(709) 62. Барродан (р.а.) ривоят қилинади. Бизлар Расулуллоҳ (с.а.в.) ортларида намоз ўқисак, ўнг томонларида туришни яхши кўрар эдик. У зот юзларини бизга қаратиб: "Рабби қиний ъазабака явма табъасу ав табъасу ъибадака", деб айтганларини эшитдим.
Маъноси: "Роббим, қайта тириладиган ёки бандаларинг тўпланадиган кунда бизни сақлагин".
Бу ерда юқоридаги ҳадис такрор келган. Лекин юзлари билан юзландилар, дейилган сўз такрор келмаган.