(547) 50. Абдуллоҳ ибн Умардан (ра.) ривоят қилинади. Расулуллоҳ (с.а.в.) қибланинг деворида тупуриқ кўриб ишқаб ташладиларда сўнгра одамларга юзланиб: "Агар сизлардан бирингиз намоз ўқиса юзланаётган томонга қараб тупурмасин, чунки Аллоҳ у киши намоз ўқиётганида юзланадиган томонида бўлади", дедилар.

(…) 51. Ибн Умардан (р.а.) ривоят қилинади. Набий (с.а.в.) масжиднинг қибла томонида балғам кўрдилар.

(548) 52. Абу Саид ал-Худрийдан (р.а.) ривоят қилинади. Набий (с.а.в.) масжиднинг қибла томонида балғам кўриб майда тош билан ишқаб ташладилар. Сўнгра кишини ўнг томони ёки олд томонига тупурмоғидан ман қилиб, оёғини ости ёки чап томонига тупуришга буюрдилар.
Бу ерда юқоридаги ҳадис такрор келган.

(549) Оишадан ривоят қилинади. Набий (с.а.в.) қибла деворига, тупуриқ ёки мишириқ ёки балғам кўриб ишқаб ташладилар.

(550) 53. Абу Ҳурайрадан (р.а.) ривоят қилинади. Расулуллоҳ (с.а.в.) масжид қибласида балғам кўриб қолиб одамларга юзландиларда: "Сизлардан бирингизга нима бўлдики, Раббисини рўпарасига туриб оладида уни олдида бурнини қоқади. Нима бирортангизни олдингизга туриб олиб юзингизга бурун қоқишини яхши кўрасизми? Мабодо бирор киши жуда бурнини қоқишга мажбур бўлиб қолса чап томонига оёғи остига бурун қоқсин. Агар уни ҳам қилмаса ҳеч бўлмаганда мана бундай айтсин (яъни бажарсин)", дедилар.
Ровийлардан бири Қосим либосларига туфладиларда кейин уни бир-бирига ишқадилар.
Бу ерда юқоридаги ҳадис такрор келган. Фақат "Гўёки Расулуллоҳ (с.а.в.) кийимларини бир-бирига ишқаётганларини кўриб тургандекман", сўзи зиёда қилинган.

(551) 54. Анас ибн Моликдан (р.а.) ривоя қилинади. Расулуллоҳ (с.а.в.): "Агар сизлардан бирингиз намозда бўлса Роббисига муножот қилаётган бўлади. У киши олдига ҳам ўнг томонига ҳам туфламасин. Лекин чап томони, оёғи остига туфласин", дедилар.

(552) 55. Анас ибн Моликдан (р.а.) ривоят қилинади. Расулуллоҳ (с.а.в.): "Масжидга тупуриш хатодир. Уни каффорати кўмиб қўйишдир", дедилар.

(…) 56. Анас ибн Моликдан (р.а.) ривоят қилинади. Набий (с.а.в.) Менга умматимнинг яхши ва ёмон амаллари кўрсатилди. Яхши амаллари ичида йўлдан озор берувчи нарсаларни олиб ташлаш эканини кўрдим. Ёмон амаллари ичида масжидга балғамни ташлаб кўммасдан кетиш эканини кўрдим", дедилар.

(554) 58. Язид ибн Абдуллоҳ ибн Шиххирни оталаридан (р.а.) ривоят қилинади. Оталари: "Мен Расулуллоҳ (с.а.в.) билан бирга намоз ўқидим. У зотни бурунларини қоқиб кавушлари билан ишқаганларини кўрдим", дедилар.

(…) 59. Абулало Язид ибн Абдуллоҳ ибн Шиххир оталаридан (р.а.) ривоят қиладилар. Бу зот набий (с.а.в.) билан бирга намоз ўқидилар. Ўшанда Расулуллоҳ (с.а.в.) бурунларини қоқиб чап оёқларидаги ковушлари билан ишқадилар.