(528) 16. Оишадан (р.а.) ривоят қилинади. Умму Ҳабиба ва Умму Салама оналаримиз Ҳабашистонда кўрган черков ва ундаги суратларни Расулуллоҳ (с.а.в.) га зикр қилишди. Шунда Расулуллоҳ (с.а.в.): "Ана ўшаларда агар солиҳ киши вафот этса қабри устига масжид қуриб, уни суратини устига чизиб қўйишар эди. Ана ўшалар Қиёмат куни Аллоҳ ҳузурида энг ёмон кимсалардир", дедилар.

(…) 17. Бу ерда юқоридаги ҳадис такрор келган.
(…) 18. Бу ерда юқоридаги ҳадис такрор келган.

(529) 19. Оишадан (р.а.) ривоят қилинади. Расулуллоҳ (с.а.в.) бемор бўлиб ҳали тузалмаганларида: "Аллоҳ яҳудий ва насороларни лаънатласин. Улар набийлари қабрларини масжид қилиб олишди", дедилар. Оиша (р.а.): "Агар ана шу хавф яъни қабрларни масжид қилиб олиш хавфи бўлмаганида Расулуллоҳ (с.а.в.) қабрлари зийнатланар эди", дедилар.
Абу Шайба ривоятларида: "Агар ана шу хавф", деган сўз зикр қилинмаган.

(530) 20. Абу Ҳурайрадан (р.а.) ривоят қилинади. Расулуллоҳ (с.а.в.): "Аллоҳ яҳудийларни ҳалок қилсин, улар набийлари қабрини масжид қилиб олишди", дедилар.

(…) 21. Абу Ҳурайрадан (р.а.) ривоят қилинади. Расулуллоҳ (с.а.в.): "Аллоҳ яҳудий ва насороларни лаънатласин. Улар набийлари қабрини масжид қилиб олишган", дедилар.

(531) 22. Убайдуллоҳ ибн Абдуллоҳдан (р.а.) ривоят қилинади. Оиша ва Абдуллоҳ ибн Аббослар (р.а.) айтишди. Расулуллоҳ (с.а.в.) га (беморлик) етганида, юзларига бир мато ташлаб қўйишди. Аза тутиб, юзларини очиб қўйишди. Шунда Расулуллоҳ (с.а.в.): "Мана шундай! Яҳудий ва насороларга Аллоҳнинг лаънати бўлсин. Улар набийлари қабрини масжид қилиб олишди", деб, уларни бундай ишларидан ман этдилар.

(539) 23. Жундаб (р.а.) айтадилар. Расулуллоҳ (с.а.в.) вафот этишларидан беш кун олдин қуйидаги айтган сўзларини эшитдим. Мен Аллоҳдан сизлар орангиздан бир халил (дўст) бўлишини рухсатини сўраган эдим. Аллоҳ мени худди Иброҳим алайҳиссаломни дўст тутгани каби  дўст тутди. Агар умматимдан халил тутганимда Абу Бакрни ана шундай қилган бўлар эдим. Огоҳ бўлинглар! Сизлардан олдингилар набийлари ва солиҳ кишиларини қабрини масжид қилиб олишган эди. Огоҳ бўлинглар! Сизлар қабрларни масжид қилиб олманглар. Мен сизларни бундай қилишингиздан ман этаман", дедилар.