(512) 267. Оишадан (р.а.) ривоят қилинади. Набий соллаллоҳу алайҳи васаллам тунда намоз ўқирдилар мен эса худди жанозада кўндаланг қўйилгани каби қибла билан у зотни ораларида кўндаланг бўлиб ётардим.

(…) 268. Оишадан (р.а.) ривоят қилинади. Набий соллаллоҳу алайҳи васаллам тунни барчасида намоз ўқирдилар. Мен эса у зот билан қибла орасида кўндаланг бўлиб ётар эдим. Агар витр ўқишни хоҳласалар, мени уйғотардилар. Мен ҳам витр ўқир эдим.

(…) 269. Урва ибн Зубайрдан (р.а.) ривоят қилинади. Оиша (р.а.): "Намозни нима нарса кесади?" деганларида, биз: "аёл ва эшак", дедик. Шунда Оиша (р.а.): "Аёл киши ёмон ҳайвон, демоқдамисизлар. Мени кўрганларингизда Расулуллоҳ соллаллоҳу алайҳи васаллам олдларида худди жаноза каби кўндаланг бўлиб ётар эдим, у зот эса намоз ўқирдилар.

(…) 270. Бу ерда юқоридаги ҳадис такрор келган. Унинг давомида: "Оиша (р.а.) ҳузурларида ит, эшак ва аёл намозни кесиши зикр қилинганида, у зот: "Сизлар бизни эшак ва итларга ўхшатмоқдасизлар. Аллоҳ номига қасамки, Расулуллоҳ соллаллоҳу алайҳи васаллам намоз ўқирдилар. Мен эса каравот устида, ёнбошлаб у зот билан қибла орасида ётар эдим. Шу пайт ҳожатга боришга тўғри келиб қолди. Расулуллоҳ соллаллоҳу алайҳи васаллам га озор бермаслик учун у ерда ўтиришни кариҳ кўрар эдим. Билдирмасдан оҳистагина оёқлари олдидан чиқиб кетдим.

(…) 271. Асваддан (р.а.) ривоят қилинади. Оиша (р.а.): "Сизлар бизни итлар ва эшакларга тенглаштирмоқдамисизлар. Мени кўрганингларда эди, каравот устида ёнбошлаб ётар эдим. Расулуллоҳ соллаллоҳу алайҳи васаллам келиб, каравотни ўртада қолдириб намоз ўқирдилар. Мен эса кўндаланг бўлишни ёқтирмасдан каравотни икки оёғидан оҳиста чиқиб, охири ёпинчиғимга ўралиб охиста чиқиб кетдим.
(…) 272. Оишадан (р.а.) ривоят қилинади. Мен Расулуллоҳ соллаллоҳу алайҳи васаллам олдларида ухлар эдим. Икки оёғим эса у зотнинг қибла томонларида эди. У зот сажда қилсалар (оёғимни) ушлардилар. Мен эса оёғимни йиғиштирар эдим. Агар саждадан турсалар яна оёғимни ёзиб юборар эдим. Ўша пайтларда уйларда чироқ бўлмас эди.

(513) 273. Маймунадан (р.а.) ривоят қилинади. Расулуллоҳ соллаллоҳу алайҳи васаллам намоз ўқирдилар, мен эса у зотни (оёқлари остидаги) паябзаллари бўлардим. Ўша пайтда ҳайз кўрган эдим. Кўпинча сажда қилганларида кийимлари менга тегиб турар эди.

(514) 274. Оишадан (р.а.) ривоят қилинади. Набий соллаллоҳу алайҳи васаллам кечаси намоз ўқирдилар. Мен эса ёнларида бўлар эдим. Ўша пайтда ҳайз кўрган бўлар эдим. Устимда чўпоним бўлиб, уни баъзи қисми ёнларига тегиб турар эди.