(505) 258. Абу Саид ал-Худрийдан (р.а.) ривоят қилинади. Расулуллоҳ соллаллоҳу алайҳи васаллам: "Агар сизлардан бирортангиз намоз ўқиса олдидан бирор кишини ўтишига йўл қўймасин. Қурби етгунича даф этсин. Агар ўтувчи бўйин товласа у билан уришсин. Чунки ўша шайтондир", дедилар.
(…) 259. Ибн Ҳилол яъни Ҳумайд айтадилар. Бир пайт мен ва ҳамроҳим ҳадис ўқиб ўтирсак Абу Солиҳ ас-Самман: "Мен сизларга Абу Саиддан эшитган ва кўрган нарсамни гапириб бераман. Мен Абу Саид билан бирга жума куни намоз ўқиётган эдим. У зот одамлардан тўсиш учун бир нарса қўйгандилар. Шу пайт Абу Муъайт қабиласидан бир йигит келиб, олдларидан кесиб ўтишни хоҳлади. У зот йигитни бўйнидан туртиб, ўзларидан даф этдилар. У йигит Абу Саидни олдларидангина чиқиш йўлини кўрди. (У яна бир ўтиш учун ҳаракат қилган эди) аввалгидан кўра қаттиқроқ бўйнидан туртдилар. У йигит Абу Саиддан етган нарса сабабли тик туриб қолди. Сўнгра одамларга сиқилиб (сафдан) чиқдида Марвонни ҳузурларига кириб, ўзига етган нарсадан шикоят қилди. Абу Саид Марвонни ҳузурига киргандилар, Марвон у кишига: "Сизга нима бўлдики, биродарингиз ўғли келиб сизни устингиздан шикоят қилмоқда", деганида, Абу Саид: "Расулуллоҳ соллаллоҳу алайҳи васаллам дан эшитганман, у зот: "Агар сизлардан бирингиз одамлардан тўсган ҳолда бирор нарса қўйиб намоз ўқиётганида кимдир олдидан ўтса бўйнидан даф қилсин. Агар ўтувчи бўйин товласа у билан уришсин. Чунки у шайтондир", дедилар.
(506) 260. Абдуллоҳ ибн Умардан (р.а.) ривоят қилинади. Расулуллоҳ соллаллоҳу алайҳи васаллам: "Агар сизлардан бирингиз намоз ўқиса бирор кишини олдидан ўтишига йўл қўймасин. Бордию у бош тортса у билан уришсин, чунки у билан бирга шайтон бордир", деганлар. (Шайтон билан уришиш ундан паноҳ тилаш орқали амалга ошади). Бу ерда юқоридаги ҳадис такрор келган.
(507) 261. Буср ибн Саиддан (р.а.) ривоят қилинади. Зайд ибн Холид ал-Жуҳаний Абу Жуҳаймга одам юбориб, Расулуллоҳдан намоз ўқувчи хусусида эшитган нарса бўлса хабар қилишларини айтди. Абу Жуҳайм Расулуллоҳ соллаллоҳу алайҳи васаллам дан эшитган қуйидаги сўзни айтдилар. Агар намоз ўқувчини олдидан ўтган киши учун қандай гуноҳ бўлишини билганида қирқ қолгани ўтиб кетганидан кўра яхшидир. Абу Назр: "У қирқ кунми? Қирқ ойми? Ёки қирқ йилми? Билмадим", дедилар. Бу ерда юқоридаги ҳадис такрор келган.
|