(479) 207. Ибн Аббосдан (р.а.) ривоят қилинади. Расулуллоҳ соллаллоҳу алайҳи васаллам пардани очганларида одамлар Абу Бакр (р.а.) ни ортларида намоз ўқишаётган эди. У зот: "Эй одамлар нубувват хушхабарларидан фақат мусулмонни кўрадиган яхши туши қолди. (Ёки кўрсатиладиган туши қолди). Агоҳ бўлинглар мен сизларни рукуъ ва саждада Қуръон ўқимоқдан ман этаман. Аммо рукуъда Роббингизни улуғланглар. (Яъни Субҳона роббиял ъазийм деб). Саждада эса кўпроқ дуо қилинглар. Ана шу дуо қабул бўлишга муносиброқдир.

(…) 208. Абдуллоҳ ибн Аббосдан (р.а.) ривоят қилинади. Расулуллоҳ соллаллоҳу алайҳи васаллам пардани очдилар. Ўша пайт у зотни бошлари боғланган эди. У вафот этишдан олдинги касалликлари эди. У зот: "Аллоҳим (бўйнимдаги вазифани) етказдимми"? деб уч марта айтдилар. Нубувват даракчисидан фақат солиҳ бандани кўрадиган ёки кўрсатиладиган туши қолди холос", дедилар. Кейин юқоридаги ҳадисни давом эттирдилар.

(480) 209. Али ибн Абу Толиб айтадилар. Расулуллоҳ соллаллоҳу алайҳи васаллам рукуъ ёки сажда ҳолатида қироат қилмоқдан ман этдилар.

(…) 210. Али ибн Абу Толиб айтадилар. Расулуллоҳ соллаллоҳу алайҳи васаллам рукуъдалигимда ёки саждадалигимда Қуръон қироат қилишдан ман этдилар.

(…) 211. Али ибн Абу Толибдан (р.а.) ривоят қилинади. У зот: "Расулуллоҳ соллаллоҳу алайҳи васаллам мени рукуъ ва саждада қироат қилишдан ман этдилар. Лекин сизларни ман этдилар деб айтмайман", дедилар.

(…) 212. Али (р.а.) айтадилар. Ҳабибим мени рукуъ ёки саждада қироат қилишдан ман этдилар.

(…) 213. Алидан (р.а.) ривоят қилинади. Мени рукуъда Қуръон тиловат қилишимдан набий алайҳиссалом ман этдилар, деб саждадаги наҳийни зикр қилдилар.

(481) 214. Ибн Аббомдан (р.а.) ривоят қилинади. Бу зот: "Рукуъдалигимда қироат қилишдан ман этилдим", деб санадда Алини зикр қилмадилар.