(474) 197. Абдуллоҳ ибн Язиддан (р.а.) ривоят қилинади. Баро менга гапириб берди. У ёлғончи эмасдир. Улар Расулуллоҳ соллаллоҳу алайҳи васаллам ортларида намоз ўқишар эди. Агар рукуъдан бошларини кўтарсалар пешоналарини ерга қўймагунларича бир киши белини тўғрилаганини кўрмас эдик. Ундан кейин ортларидаги кишилар саждага йиқилишар эди.

(…) 198. Абдуллоҳ ибн Язиддан (р.а.) ривоят қилинади. Менга Баро гапириб бердилар. У ёлғончи эмас эди. (Яъни айтган ҳадиси ишонарлидир). Расулуллоҳ соллаллоҳу алайҳи васаллам "Самиъаллоҳу лиман ҳамидаҳ" деб саждага бормагунларича биздан бирор киши белини тўғриламас эди. У зотдан кейин саждага йиқилар эдик.

(…) 199. Муҳариб ибн Дисордан (р.а.) ривоят қилинади. Абдуллоҳ ибн Язидни минбарда туриб гапираётганини эшитганман. Баро (р.а.) Расулуллоҳ соллаллоҳу алайҳи васаллам билан бирга намоз ўқишар агар рукуъ қилишса рукуъ қилишар агар рукуъдан бошларини кўтариб "Самиъаллоҳу лиман ҳамидаҳ", деб пешоналарини ерга қўйганларини кўрмагунимизча биз қиёмга тик турмас эдик. Сўнгра яна у зотга эргашар эдик.

(…) 200. Бародан (р.а.) ривоят қилинади. Биз Расулуллоҳ соллаллоҳу алайҳи васаллам билан бирга бўлганимизда то у зот сажда қилганларини кўрмагунимизча орқасини (рукуъдан) текислаб (қиёмга) тик турмас эди.
Зуҳайр ҳам Куфийлардан: "Расулуллоҳ соллаллоҳу алайҳи васаллам то сажда қилганларини кўрмагунимизча", деб ривоят қилганлар.

(475) 201. Амр ибн Ҳураъсдан (р.а.) ривоят қилинади. Набий соллаллоҳу алайҳи васаллам орқаларида бомдод намозини ўқидим. Унда "Фала уқсиму бил хуннасил жаварил куннас", (Таквир, 15-16 оятлар) ни ўқиганларини эшитдим. У зот мукаммал сажда қилмагунларича биздан бирор киши орқасини теккисламас эди.