(426) 112. Анасдан (р.а.) ривоят қилинади. Кунларнинг бирида Расулуллоҳ соллаллоҳу алайҳи васаллам биз билан намоз ўқидилар. Намозни тугатиб бўлгач биз томонга юзланиб: "Эй одамлар мен сизларни имомингиздирман. Рукуъ, сажда, қиём ва қўзғолишда мендан илгарилаб кетманг. Чунки мен олдим ва орқам томонимдан кўриб тураман. Муҳаммадниннг жони Унинг қўлида бўлган Зотга қасамки, агар мен кўрган нарсани кўрганларингизда, оз кулиб кўп йиғлаган бўлар эдингиз", дедилар. Саҳобалар: "Эй Аллоҳнинг расули нимани кўрдингиз", дейишди. У зот: "Жаннат ва дўзахни кўрдим", дедилар.

(…) 113. Бу ерда юқоридаги ҳадис такрор келган.

(427) 114. Абу Ҳурайрадан (р.а.) ривоят қилинади. Муҳаммад соллаллоҳу алайҳи васаллам: "Имомдан олдин бошини кўтариб олган кишининг боши эшак бошига айланиб қолишидан қўрқмайдими?" дедилар.

(…) 115. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: "Намозда имомдан олдин бошини кўтариб оладиган кишининг кўриниши эшак кўринишига ўзгариб қолишидан омонда бўлмайди.

(…) 116. Бу ерда юқоридаги ҳадис такрор келган.