(378) 2. Анасдан (р.а.) ривоят қилинади. Бу зот: Билолга (р.а.) азонни жуфт қилиб, (яъни икки мартадан) иқоматни тоқ қилиб (яъни биттадан) айтишга буюрилди", дедилар.
Яҳё ривоятларида ибн Улайядан (р.а.) ривоят қилиб қуйидагиларни айтдилар. Айюбга бу ҳадисни айтсам, Аюб: "Лекин "Қод қоматис солат" ни икки марта айтилади", дедилар.

(…) 3. Анас ибн Моликдан (р.а.) ривоят қилинади. Бу зот: "Намоз вақтини билдириш учун бирор нарса билан эълон қилмоқни зикр қилишганида, бирор олов ёқиб нур таратишни ёки қўнғироқ чалмоқни айтишди. Шунда Билолга азонни жуфт ва иқоматни тоқ қилиб айтмоқга буюрилди", дедилар.

(…) 4. Холид ал-Ҳаззо ҳам ушбу санад билан ривоят қилиб: "Одамлар кўпайганда (намоз вақтини) билдиришни ва уни билдириш учун олов ёқишни зикр қилишди", деб айтилган сўзни зиёда қилдилар.

(…) 5. Анасдан (р.а.) ривоят қилинади. Бу зот: "Билолга азонни жуфт қилиб, иқоматни эса тоқ қилиб айтишга буюрилди", дедилар.
(Бизнинг Ҳанафия мазҳабимизда азон ўн бешта калима, иқомат эса ўн еттита калимадир. Иқомат азон калималари билан бир хил бўлиб, фақат "Ҳаййа ъалал фалаҳ" дан кейин икки марта "Қод қоматиссолаҳ", зиёда қилинади ва бир оз тезлатиб айтилади….-Тарж).