Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Мадинанинг йўлларида фаришталар бор. Унга ўлат ҳам, Дажжол ҳам кира олмайди», дедилар».

Бошқа ривоятда:
«Мадинага Масиҳ Дажжолнинг қўрқинчи кирмайди. Ўша кунда унинг етти эшиги бўлиб ҳар эшикда иккитадан фаришта туради», дейилган.

Анас розияллоҳу анҳудан ривоят қилинади:
«Набий соллаллоҳу алайҳи васаллам:
«Макка ва Мадинадан бошқа ҳар бир юртни, албатта, Дажжол оёқости қилади. Иккисининг ҳар бир йўлини фаришталар саф бўлган ҳолларида қўриқлайдилар. Кейин Мадина уч марта титрайди ва ундан барча кофир ва мунофиқ у (Дажжол) томон чиқади», дедилар».
Бухорий, Муслим.

Имом Муслимнинг ривоятида:
«Масиҳ Дажжол машриқ томондан келади. Мадинага киришни кўзлаган бўлади. У Уҳуднинг орқасига тушади. Сўнг фаришталар унинг юзини Шом томон буриб қўядилар. Ўша ёқда у ҳалок бўлади», дейилган».

 Саъд розияллоҳу анҳудан ривоят қилинади:
«Аҳли Мадинага бирор кимса ҳийла қилса, албатта, худди туз сувда эригандек эриб кетади», дедилар».
Имом Бухорий ва Имом Муслим ривоят қилишган.
Имом Муслимнинг лафзида:
"Ким аҳли Мадинага ёмонликни ирода қилса, Аллоҳ уни ҳудди туз сувда эригандек эритиб юборади", дейилган