Ибн Аббос розияллоҳу анҳудан ривоят қилинади:
«Одамлар ҳажнинг дастлабки вақтларида Минода, Арафада, Зул Мажоз бозорида ва ҳожилар жамланган ерларда эҳромдалик ҳолларида савдо-сотиқ қилар эдилар. Улар эҳромдалик чоғларида савдо қилишдан қўрқдилар.  Бас, Аллоҳ таоло «Сизга ўз Роббингиздан фазл исташингизда гуноҳ йўқдир»ни нозил қилди. ҳаж мавсумида».

Абу Умома ат-Таймий розияллоҳу анҳудан ривоят қилинади:
«Мен шу томонда киракашлик қиладиган одам эдим. Одамлар сенинг ҳажинг бўлмайди, дер эдилар. Ибн Умарга учраб ундан бу ҳақда сўрадим. Шунда у:
«Эҳром боғлаб, лаббайка айтиб, байтни тавоф қилиб, Арофатдан ифоза қилиб, тошларни отасанми?» деди.
«Шундоқ», дедим.
«Албатта, ҳажинг бўлади. Бир киши Расулуллоҳ соллаллоҳу алайҳи васалламдан бу ҳақда сўраганида у зот сукут сақлаб қолдилар. Кейин «Сизга ўз Роббингиздан фазл исташингизда гуноҳ йўқдир» (ояти) нозил бўлди. У зот ўшанинг ортидан одам юбориб, оятни қироат қилдилар ва: «Сенинг ҳажинг бўлади», дедилар».
Абу Довуд ривоят қилган.