Абу Мусо розияллоҳу анҳудан ривоят қилинади:
«Набий соллаллоҳу алайҳи васаллам:
«ҳар бир мусулмон зиммасида садақа бор», дедилар.
«Эй Аллоҳнинг Пайғамбари, топмаган одам-чи?» дейишди.
«Қўли билан ишлаб топиб, ўзига манфаат келтиради ва садақа қилади», дедилар.
«Агар  (унга имкон) топмаса-чи?» дейишди.
«Музтар – ҳожандмандга ёрдам беради», дедилар.
«Агар (унга ҳам имкон) топмаса-чи?» дейишди.
«Маъруф ишни қилсин ва ёмонликдан тийилсин, албатта, ўша ҳам унинг учун садақадир», дедилар».

Яна ўша кишидан ривоят қилинади:
«Набий соллаллоҳу алайҳи васаллам:
«Албатта, одамларга бир замон келурким, унда бир киши ўзининг олтин садақаси ила айланиб юриб ўзидан уни қабул қилиб оладиган бирор киши топмас. Яна эркакларнинг озлиги ва аёлларнинг кўплигидан ёлғиз бир эр кишининг ортидан қирқта аёл эргашиб, қувиб юрурлар», дедилар».
Бухорий, Муслим ва Насаий ривоят қилишган.

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Аллоҳ таоло: «Эй Одам боласи, инфоқ қил, Мен сенга инфоқ қиламан», деб айтади. Ва яна:
«Аллоҳнинг хазинаси тўла ва доим оқиб турувчидир. Кечаю кундуз олингани билан ҳеч нарса уни камайтира олмайди. Осмону ерни халқ қилганидан бери нимани инфоқ қилганини биласизми? Унинг хазинасидан ҳеч нарса камайиб қолгани йўқ. Яна:
«Унинг Арши сув устида эди. Бошқа қўлида эса қабз (омонат ёки мезон) бор эди, кўтарарди ва туширарди», дедилар».
Бухорий, Муслим қилишган.

Оиша розияллоҳу анҳодан ривоят қилинади:
«Набий соллаллоҳу алайҳи васаллам:
«Қачон бир аёл уйидаги таомдан исроф қилмай инфоқ қилса, унга инфоқ қилган нарсаси туфайли ажр бўлур. Унинг эрига касб қилгани туфайли ажр бўлур. Хазиначига ҳам ўшанинг мислича (ажр) бўлур. Баъзилари баъзиларининг ажридан ҳеч нарсани ноқис қилмасалар», дедилар».
Бухорий, Муслим, Абу Довуд, Термизий, Насаий.

Абдуллоҳ ибн Амр розияллоҳу анҳудан ривоят қилинади:
«Набий соллаллоҳу алайҳи васаллам:
«Қирқта хислат бор, энг олийи эчкини (соғиб ичишга) бериб туриш, қай бир одам ўшалардан бир хислатга савоб умидида ва қилган ваъдасининг тасдиғи учун амал қилса, Аллоҳ, албатта, уни ўша туфайли жаннатга киритур», дедилар».
Абу Довуд ва Бухорий ривоят қилишган.

Ибн Умар розияллоҳу анҳудан ривоят қилинади:
«Набий соллаллоҳу алайҳи васаллам:
«Ким сиздан Аллоҳ номи ила паноҳ сўраса, паноҳ беринглар. Ким сиздан Аллоҳ номи ила сўраса, сўраганини беринглар. Ким сизни даъват қилса, ижобат қилинглар. Ким сизга яхшилик қилса, мукофотини беринглар. Агар уни мукофатлайдиган нарсани топа олмасангиз, токи уни қилганига яраша мукофотладим дегунингизча ҳақига дуо қилинг», дедилар».
Абу Довуд ва Насаий ривоят қилишган.

Абу Саъид розияллоҳу анҳудан ривоят қилинади:
«Набий соллаллоҳу алайҳи васаллам:
«Қайси бир мусулмон кийими йўқ мусулмонга кийим кийдирса, Аллоҳ унга жаннатнинг яхши кийимларидан кийгизур.
Қайси бир мусулмон қорни оч мусулмонга таом берса, Аллоҳ уни жаннат мевалари ила таомлантирур.
Қайси бир мусулмон сувсиз, чанқаган мусулмонга сув берса, Аллоҳ азза ва жалла уни раҳийқи махтумдан сероб қилур», дедилар».
Абу Довуд ривоят қилган.

Буҳайса ал-Фазорийя розияллоҳу анҳодан ривоят қилинади:
«Отам Набий соллаллоҳу алайҳи васалламдан изн олиб, у зотнинг кўйлаклари билан баданлари орасига кириб олиб, маҳкам ёпишиб ўпа бошлади. Сўнгра:
«Эй Аллоҳнинг Расули, ман қилиш ҳалол бўлмаган нарса нима?» деди.
«Сув», дедилар.
«Эй Аллоҳнинг Пайғамбари, ман қилиш ҳалол бўлмаган нарса нима?» деди.
«Туз», дедилар.
«Эй Аллоҳнинг Пайғамбари, ман қилиш ҳалол бўлмаган нарса нима?» деди.
«Яхшилик қилмоғинг сен учун яхшидир», дедилар».
Абу Довуд ва Насаий ривоят қилишган.
Абу Довуд ривоятида:

Анас розияллоҳу анҳудан ривоят қилинади:
«Набий соллаллоҳу алайҳи васаллам:
«Албатта, садақа Роббнинг ғазабини ўчиради ва ёмон ўлимни даф қилади», дедилар».

Фотима бинти Қайс розияллоҳу анҳодан ривоят қилинади:
«Расулуллоҳ соллаллоҳу алайҳи васалламдан закот ҳақида сўрадим ёки сўралди. Бас, у зот:
«Албатта, молда закотдан бошқа ҳақ ҳам бор», дедилар ва: «Яхшилик юзингизни машриқ ва мағриб томонга қаратишингиз эмас» оятини тиловат қилдилар».
Икковини Термизий ривоят қилган.