Абу Мусо розияллоҳу анҳудан ривоят қилинади:
«Пайғамбар соллаллоҳу алайҳи васаллам:
«Албатта, ушбу Аллоҳ юборадиган оятлар бировнинг ўлими ёки ҳаёти учун бўлмайди. Лекин, Аллоҳ уларни бандаларини қўрқитиш учун юборади. Бас, улардан бир нарсани кўрсангиз, Аллоҳга зикр ва дуо қилишга, истғфор айтишга шошилинг», дедилар».
Бухорий, Муслим, Абу Довуд, Насаий ривоят қилган.

Асмаа розияллоҳу анҳодан ривоят қилинади:
«Пайғамбар соллаллоҳу алайҳи васаллам қуёш тутилганда қул озод қилишга амр қилдилар».
Бухорий ва Абу Довуд ривоят қилган.