Баро розияллоҳу анҳудан ривоят қилинади:
«Пайғамбар соллаллоҳу алайҳи васалламнинг саждалари, қачон рукуъдан (бош) кўтарганлари ва икки сажда орасида (ўтиришлари) деярли бир-бирига яқин эди».
Бухорий, Муслим, Абу Довуд, Термизий ва Насаий ривоят қилган.

Товусдан ривоят қилинади:
«Ибн Аббосдан икки товонга иқъо қилиш ҳақида сўрадик.
«У суннатдир», деди.
«Бизлар уни одамга жафо, деб биламиз», дедик.
«Йўқ, у Пайғамбарларингиз суннатидир», деди.
Термизий, Муслим ва Абу Довудлар ривоят қилишган.

Ибн Аббос розияллоҳу анҳудан ривоят қилинади:
«Пайғамбар соллаллоҳу алайҳи васаллам икки сажда орасида «Аллоҳумма иғфир лии, варҳамнии ва оофинии ваҳдинии варзуқнии», дер эдилар».
Абу Довуд ва Термизий ривоят қилган.