Анас розияллоҳу анҳудан ривоят қилинади: «Пайғамбар соллаллоҳу алайҳи васаллам: «Азон ва иқома орасидаги дуо рад қилинмас», дедилар». «Сунан» соҳиблари ривоят қилишган.
Бир одам: «Эй, Аллоҳнинг Расули, муаззинлар биздан кўра фазийлатли бўлурлар», деди. Бас, Расулуллоҳ соллаллоҳу алайҳи васаллам: «Улар нима десалар, сен ҳам айт. Қачонки, тамом қилсанг, сўра, сенга сўраганинг ато қилинур», дедилар». Абу Довуд ривоят қилган.
Абу Шаъсоа розияллоҳу анҳудан ривоят қилинади: «Абу Ҳурайра розияллоҳу анҳу билан масжидда бирга эдик. Бир одам муаззин Асрга азон айтганидан кейин чиқиб кетди. Бас, Абу Ҳурайра: «Аммо, мана бу, батаҳқиқ, Абул Қосим соллаллоҳу алай ҳи васалламга осий бўлди», деди». Муслим, Абу Довуд, Термизий, Насаий ривоят қилган.
|