عن ابى هريرة رضى الله عنه قال: قال رسول الله صلى الله عليه وسلم: ما من مولود يولد إلا ويولد على الفطرة فأبواه يهوّدانه أو ينصّرانه أو يمجسانه كما تنتج البهيمة بَهِيمة جمعاء، هل تحسون فيها من جدعاء؟ ثم يقول أبو هريرة رضى الله عنه: فطرة الله التى فطر الناس عليها، لا تبديل لخلق الله، ذلك الدينُ القيمُ"
Абу Ҳурайра (р.а.)дан ривоят қилинади. Расулуллоҳ (с.а.в.): “Ҳамма фитратда туғилади, сўнг уни ота-онаси яҳудий ёки насроний ёки мажусий қилиб тарбиялайди. Ҳайвон ҳамма аъзолари комил ҳайвонни туғганида унда бирор камчилик кўрасизларми?” дедилар. Сўнг Абу Ҳурайра (р.а.): “Бас (эй Муҳаммад), ўзингизни доимо тўғри бўлган динда (Исломда) тутинг! Аллоҳ инсонларни яратган табиий хилқатни сақлангиз! Аллоҳнинг яратиши ўзгартирилмас. Энг тўғри дин мана шудир” деб ушбу оятни ўқидилар. Шарҳ: Расулуллоҳ (с.а.в.) ўзларига келтирилган Ислом ҳақида гапириб, Аллоҳ инсонга бириктирган табиатга мос қилиб юборганини айтадилар. Бирор туғилган гўдак борки, у Аллоҳ инсонларни яратган табиий хилқатда яратади. Ўша табиий хилқат ҳақни қабул қилиш, идрок этган нарсасида сабот билан туришдир. Энди ота-она фарзандлари туғилган пайтда асли табиий туғилган нарсасидан бошқа томонга буриб, ҳақни беркитиб, ўз миллатлари яҳудий, насроний ва мажусий бўлиши учун тарғиб қилиб, аслий табиатини бузишади. Сўнгра Расулуллоҳ (с.а.в.) маънони зеҳнларга етиб бориши учун аниқ бир зарбул масал қиладилар. Ота-она соғлом фитратда туғилган болаларини ўзгартиришлари худди бадани ва аъзолари соғлом туғилган ҳайвонни белги қилиш мақсадида қулоғи ва бошқа аъзоларини кесиб, ўзгартириш ҳосил қилишларини айтадилар. Ҳайвон ҳамма аъзолари комил ҳайвонни туғганида унда бирор камчилик кўрасизларми? Сўнгра Абу Ҳурайра (р.а.) ҳадис маъносини Қуръондаги оят билан таъкидлаб Рум сурасини 30-оятини ўқийдилар. Бас (эй Муҳаммад), ўзингизни доимо тўғри бўлган динда (Исломда) тутинг! Аллоҳ инсонларни яратган табиий хилқатни сақлангиз! Аллоҳнинг яратиши ўзгартирилмас. Энг тўғри дин мана шудир.
|