709/1. Анасдан (р.а.) ривоят қилинади. Бу зот Расулуллоҳ соллаллоҳу алайҳи васаллам Зайнабга уйланганларида, нон ва гўштларни улашиб тўй қилганларини ва тўйнинг сифатларини ҳамда унга кўпчиликни чақирганларини айтиб, ҳадиснинг давомини зикр қилдилар: «Бас, Расулуллоҳ соллаллоҳу алайҳи васаллам чиқиб, Оишанинг (р.а.) ҳужраларига бориб, «Ассалому алайкум, аҳлал байти ва раҳматуллоҳи ва барокатуҳу», деганларида, Оиша (р.а.): «Ваъалайкассалому ва раҳматуллоҳи, аҳлингизни нечук ҳолда топдингиз?» дедилар. Шунда Расулуллоҳ ҳам: «Аллоҳ сенга барака берган ҳолда», дедилар. Бас, шу алфозда барча хотинлариникида меҳмон бўлиб, уларга ҳам Оишага айтган сўзларини айтардилар, хотинлари ҳам Оишанинг айтганидек, Расулуллоҳ соллаллоҳу алайҳи васалламга жавоб қайтаришарди». Имом Бухорий ва бошқалар ривояти.
|