Мусофирга ҳам аввалги бобларда келган муқим айтадиган зикрларни бомдод намозидан кейин адо этмоқ ва шу билан бирга қуйидаги зикрларни ҳам бажармоқ мустаҳабдир.
551/1. Абу Барзадан (р.а.) ривоят қилинади. Расулуллоҳ соллаллоҳу алайҳи васаллам агар бомдод намозини ўқисалар, (ровий: «Сафарда айтганларини биламан, холос», деб айтдилар) саҳобалар эшитадиган даражада
«Аллоҳумма аслиҳ лий дийний аллазий жаъалтаҳу ъисмата амрий, Аллоҳумма аслиҳ лий дунёйаллатий жаъалта фийҳа маъаший», деб уч марта, «Аллоҳумма аслиҳ лий охиратил латий жаъалта илайҳа маржиъий», деб уч марта, «Аллоҳумма аъузу биризока мин сухтика, Аллоҳумма аъузу бика», деб уч марта, «Ла маниъа лима аътайта, вала муътийа лима манаъта вала йанфаъу зал жадди минкал жадду», деб айтардилар. (Маъноси: «Эй Раббим, ишларимнинг поклагувчиси бўлган динимни ислоҳ эт, яшаётган дунёимни ислоҳ қил. Аллоҳим, Сенинг розилигинг ила ғазабингдан паноҳ тилайман. Аллоҳим, Сенинг номинг ила паноҳ тилайман. Сен берган нарсани ман қилувчи йўқ. Ва Сен ман қилган нарсани берувчи йўқ. Буюклик Сендадир, бошқанинг буюклиги фойда бермайди».) Ибн Сунний ривоятлари.
|