Аллоҳ таоло Ҳуд сурасининг 41-оятида: «У деди: «Кемага мининглар!» Унинг юриши ҳам, туриши ҳам Аллоҳ номи билан бўлур» ва яна Зухруф сурасининг 12-оятида: «Ва сизлар учун кемалар ва чорва ҳайвонларидан - сизлар минадиган нарсалар (пайдо) қилди», деб айтди.

535/1. Ҳусайн ибн Алидан (р.а.) ривоят қилинади. Расулуллоҳ соллаллоҳу алайҳи васаллам: «Умматим (кема)га минишганида

 «Бисмиллаҳи мажраҳа ва мурсаҳа, инна роббий лағафурур роҳийм» ва «Вама қадаруллоҳа хаққа қадриҳи», деб айтишса, ғарқ бўлиб кетишдан омондадирлар», деб айтдилар. (Маъноси: «Унинг юриши ҳам, туриши ҳам Аллоҳ номи билан бўлур, албатта Парвардигорим мағфиратли, меҳрибондир» ва «Улар Аллоҳни тўғри таний олмадилар».) Ибн Сунний ривоятлари.