Фасл. Мултазам, яъни Каъба билан Ҳажарул асвад орасида қилинадиган маъсур дуо:

«Аллоҳумма лакал ҳамду ҳамдан йувафий ниъамака ва йукафиу мазийдака, аҳмадука бижамиъи маҳамидика ма ъалимту минҳа ва ма лам аълам ъала жамиъи ниъамика ма ъалимту минҳа ва ма лам аълам ва ъала кулли ҳал. Аллоҳумма солли ва саллим ъала Муҳаммадин ва ъала али Муҳаммад. Аллоҳумма аъизний минаш шайтонир рожийм ва аъизний мин кулли суин ва қонниъний бима розақтаний ва барик лий фийҳи. Аллоҳуммажъалний мин акроми вафдика ъалайка ва алзимний сабийлал истиқомати ҳатта алқока йа роббал ъаламийн». Сўнг хоҳласа, ўзи яхши кўрган бошқа дуоларни ҳам ўқийди. (Маъноси: Эй Раббим, Сенга ҳамд бўлсин, ана шу ҳамд ила неъматларингни тўла-тўкис қилиб, зиёдалигинг ила мукофотла. Мен билган ва билмаган неъматларингнинг ҳаммасига мен билган ва билмаган ҳамд айтиш лозим бўлган нарсаларнинг барига ҳар бир ҳолатда ҳамд айтаман. Эй Раббим, Муҳаммад алайҳиссаломга ва у кишининг оилаларига саловотлар бўлсин. Эй Раббим, мени лаънатланган шайтондан асра. Ҳар бир ёмонликдан сақла. Ризқ қилиб берган нарсангда мени қаноатли эт, уни менга баракотли қил. Эй Раббим, мени Ўзингга меҳмон бўлиб келганларнинг энг ҳурматлиси қил. Эй оламлар Рабби, Сенга йўлиққунимча мени тўғри йўлда мустаҳкам қил, истиқомат йўлида мустаҳкам айла.)

Фасл. Каъбани шимол тарафидаги «ҳижр»да, яъни мейзоб остида ҳам дуолар ижобат бўлади. У ерда қуйидаги маъсур дуо ўқилади:

«Йа Робби, атайтука мин шуққатин баъийдатин муаммилан маъруфака фаанилний маъруфан мин маъруфика туғниний биҳи ъан маъруфи ман сивака йа маъруфан билмаъруфи». (Маъноси: Эй Раббим, Сенинг яхшиликларинг умидида узоқ масканлардан келдим. Яхшиликларингга мени етказ. Ўзингдан бошқаларнинг яхшилигидан мени беҳожат қил, эй яхшилик қилувчиларни Яхшиси.)