Аллоҳ таоло: «Аҳдга вафо қилинглар. Зеро, аҳд (қиёмат куни) масъул бўлинадиган ишдир» (Исро сураси, 34-оят); «Аҳдлашганларида аҳдларига вафо қилувчилар...» (Бақара сураси, 177-оят), деб айтган.
376/1. Хаввот ибн Жубайр (р.а.) айтадилар: «Расулуллоҳ соллаллоҳу алайҳи васаллам касаллигимда мени кўргани кириб: «Эй Хаввот, жисминг соғайсин», дедилар. Мен эса: «Сизнинг жисмингиз ҳам, эй Расулуллоҳ», деб айтдим. Расулуллоҳ: «Ваъдангда Аллоҳга вафо қил», дедилар. Мен: «Аллоҳга ҳеч нарса ваъда қилмадим», дедим. Расулуллоҳ (с.а.в): «Банда касал бўлса, сўнг Аллоҳ унга яхшилик келтиради, Унга берган ваъдангга вафо қил», дедилар». Ибн Сунний ривоятлари
|