213/1. Умму Салама онамиздан (р.а.) ривоят қилинади. Расулуллоҳ соллаллоҳу алайҳи васаллам шом намозидан фориғ бўлсалар, уйларига кириб, икки ракъат намоз ўқир, сўнгра:

«Йа муқоллибал қулуби вал`абсор, саббит қулубана ъала дийник», деб дуо қилардилар. (Маъноси: Эй қалб ва кўзларни ўзгартирувчи Зот, қалбимизни динингда собит қил.) Ибн Сунний ривоятлари

214/2. Аммора ибн Шубайлдан (раҳматуллоҳи алайҳ) ривоят қилинади. Расулуллоҳ соллаллоҳу алайҳи васаллам: «Ким шом намозидан кейин ўн марта

«Ла илаҳа иллаллоҳу ваҳдаҳу ла шарийка лаҳ, лаҳул мулку ва лаҳул ҳамду йуҳйий ва йумийту ва ҳува ъала кулли шай`ин қодийр», деса, Аллоҳ таоло унга қўриқчиларни юборади. У қўриқчилар уни субҳгача кафилликка оладилар ва Аллоҳ унга ўнта яхшилик ёзади, ўнта ёмонликни ўчиради, унга ўнта мўмин қул озод қилганнинг савобини беради», дедилар. Имом Термизий ривоятлари