128/1. Ҳузайфа (р.а.) ривоят қилиб айтадилар: «Расулуллоҳ соллаллоҳу алайҳи васаллам тунги намозда қиёмни узун қилиб, Бақара, Нисо, Оли Имрон сураларини ўқирдилар. Рукуълари ва саждалари қиём миқдорича бўлар эди. Икки сажда ўртасида:

«Роббиғфирлий, роббиғфирлий» (Раббим, мени мағфират эт), дер ва орада сажда миқдорича ўтирар эдилар». Абу Довуд, Термизий, Насоий, Байҳақийлар ривояти

129/2. Ибн Аббос (р.а.) холалари Маймуна (р.а.) уйларида ётиб қолганларида, Расулуллоҳнинг тунги намозлари ҳақида кўрганларини қуйидагича ривоят қиладилар: «Расулуллоҳ саждадан бошларини кўтарсалар:

«Роббиғфирлий варҳамний важбурний варфаъний варзуқний ваҳдиний ва ъафиний», деб айтар эдилар». (Маъноси: Эй Раббим, гуноҳларимни кечир, менга раҳм қил, менга ёрдам бер, мени олий мартабаларга кўтар, менга ризқ бер, мени ҳидоятда ва офиятда қил.) Байҳақий ва Абу Довуд ривоятлари