104. Ибн Умар розияллоҳу анҳудан ривоят қилинади:

«Пайғамбар соллаллоҳу алайҳи васаллам:

«Менга Жаброил қўшнига яхшилик қилиш ҳақида шунчалар тавсия қилдики, ҳаттоки уни меросхўрим қилиб қўйса керак, деб ўйладим», дедилар».

105. Абдуллоҳ ибн Амр розияллоҳу анҳудан ривоят қилинади:

«Унинг қўйи сўйилди. У хизматчи йигитига:

«Яҳудий қўшнимизга ҳам ҳадя қилдингми? Яҳудий қўшнимизга ҳам ҳадя қилдингми?» деб ҳадеб сўрайверди.

Сўнг: «Расулуллоҳ соллаллоҳу алайҳи васалламнинг, Жаброил менга қўшнининг ҳаққи ҳақида шу қадар тавсия қилдики, ҳатто уни мерос оладиган қилса керак, деб ўйлаб қолдим, деганларини эшитганман», деди».

106. Оиша розияллоҳу анҳодан ривоят қилинади:

«Пайғамбар соллаллоҳу алайҳи васаллам:

«Менга Жаброил алайҳиссалом қўшнингга яхшилик қил, деб шунча кўп тавсия қилдики, уни меросхўрим қилиб қўйса керак, деб ўйладим», дедилар».