92. Валид ибн Намр ибн Авсдан ривоят қилинади:

«У отасидан, улар «Солиҳлик Аллоҳдан, одоб оталардан», дейишар эдилар», деганини эшитган экан».

93. Нўъмон ибн Башир розияллоҳу анҳудан ривоят қилинади:

«Унинг отаси Расулуллоҳ соллаллоҳу алайҳи васалламнинг ҳузурларига кўтариб бориб:

«Эй Аллоҳнинг Расули! Сизни гувоҳ қилиб айтаманки, мен Нўъмонга буни, буни бердим», деди.

«Ҳамма болаларингга бердингми?» дедилар.

«Йўқ», деди.

«Мендан бошқани гувоҳ қил! Уларнинг яхшиликда баробар бўлишлари сени масрур қилмайдими?!» дедилар.

«Қилади», деди.

«Ундоқ бўлса, ҳалигиндай қилма!» дедилар».