47. Кулайб ибн Манфаъадан ривоят қилинади:

«Бобом:

«Эй Аллоҳнинг Расули, кимга яхшилик қилай?» деди.

«Онангга, отангга, опа-синглингга, ака-укангга ва улардан кейин келадиган яқинларингга вожиб бир ҳақдир ва силаи раҳмдир», дедилар».

48. Абу Ҳурайра розияллоҳу анҳудан ривоят қилинади:

«Яқин қариндошларингни огоҳлантир…» оят нозил бўлганда Набий соллаллоҳу алайҳи васаллам туриб нидо қилдилар:

«Эй Бани Каъб ибн Луай! Ўзингизни дўзахдан қутқаринглар!

Эй Бани Абдулманаф! Ўзингизни дўзахдан қутқаринглар!

Эй Бани Ҳошим! Ўзингизни дўзахдан қутқаринглар!

Эй Бани Абдулмуттолиб! Ўзингизни дўзахдан қутқаринглар!

Эй Муҳаммаднинг қизи Фотима! Сен ҳам ўзингни дўзахдан қутқар!

Албатта, мен сенга бу борада Аллоҳ таолодан бирон нарсага молик эмасман. Фақатгина раҳмингиз, ўшани ҳўллаб туришим бор», дедилар».