17. Абу Туфайл розияллоҳу анҳудан ривоят қилинади:

«Алидан «Набий соллаллоҳу алайҳи васаллам сизларга кўпчилик одамларга хос қилмаган нарсани хослаб берганларми?» деб сўралди.

«Расулуллоҳ соллаллоҳу алайҳи васаллам одамларга хос қилмаган нарсаларини бизга хослаб берган эмаслар. Фақатгина қиличим қинидаги нарса бор» деб бир саҳифани чиқарди. Қарасак, унда «Аллоҳдан бошқага атаб сўйиш сўйганни Аллоҳ лаънатлайди. Ер белгиларини ўғирлаганни Аллоҳ лаънатлайди. Ота-онасини лаънатлаганни Аллоҳ лаънатлайди. Ким муҳдисга жой берса, уни Аллоҳ лаънатлайди» дейилган экан».

«Аллоҳдан бошқага атаб сўйиш сўйганни Аллоҳ лаънатлайди».

«Ер белгиларини ўғирлаганни Аллоҳ лаънатлайди».

«Ота-онасини лаънатлаганни Аллоҳ лаънатлайди».

«Ким муҳдисга жой берса, уни Аллоҳ лаънатлайди».