1094. Сулаймон ибн Ҳабиб Муҳорибийдан ривоят қилинади:
«У Абу Умомадан қуйидагиларни эшитган экан:
«Расулуллоҳ соллаллоҳу алайҳи васаллам:
«Уч тоифани Аллоҳ зиммасига олган. Яшаса, кифоя қилинади. Ўлса жаннатга киради. Ким уйига салом ила кирса, Аллоҳ унга зоминдир. Ким масжидга чиқса, Аллоҳ унга зоминдир. Ким Аллоҳнинг йўлида чиқса, Аллоҳ унга зоминдир», дедилар».
1095. Абу Зубайрдан ривоят қилинади:
«У Жобирдан қуйидагини эшитган экан:
«Агар аҳлингнинг олдига кирсанг, Аллоҳнинг ҳузуридан, муборак ва пок салом бер», деди.
Буни «Қачонки сизга бир саломлашиш ила салом берилса, сиз ундан кўра яхшироқ алик олинг ёки худди ўзидек жавоб беринг» деган қавли вожиб қилган деб биламан, деди».
|