1074. Абдуллоҳ розияллоҳу анҳудан ривоят қилинади:
«Бир кишини чақирилса, унга изн берилганидир».
1075. Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Бирингиз чақирилса ва у элчи билан келса, бу унинг учун киришга изндир», дедилар».
1076. Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Бир кишининг бошқага юборган элчиси, унинг изнидир», дедилар».
1077. Абул Аланийядан ривоят қилинади:
«Абу Саъийд Худрийнинг олдига бориб, салом бердим. Менга изн берилмади. Сўнг яна салом бердим. Менга изн берилмади. Кейин учинчи марта салом беришда овозимни кўтариб:
«Ҳой ҳовлидагилар, ассаламу алайкум!» дедим.
Яна менга изн берилмади. Бир чеккага чиқиб, ўтирдим. Бир пайт хизматчи бола чиқиб «Кир» деди. Кирдим. Шунда Абу Саъийд менга:
«Аммо зиёда қилганингда, сенга изн берилмас эди», деди.
Мен ундан идишлар ҳақида сўрадим. Нимани сўрасам, ҳаром, деди. Охири «жуф» ҳақида сўрадим. Ҳаром, деди.
Муҳаммад айтди: Бош тарафига тери қилинади. Ўшандан боғланади».
|