1032. Абдуллоҳ ибн Амр розияллоҳу анҳудан ривоят қилинади:

«Макка билан Мадийнанинг орасида, Расулуллоҳ соллаллоҳу алайҳи васаллам билан бирга дарахтнинг соясида ўтирган эдик. Одамларнинг энг эси пасти ва ашаддийсидан бўлган бир аъробий келиб:

«Ассаламу алайкум!» деди.

«Ва алайкум», дейишди».

1033. Абу Жамрадан ривоят қилинади:

«Қачон ибн Аббос розияллоҳу анҳуга салом берилса, «Ва алайка ва роҳматуллоҳи» дер эди».

1034. Қийла розияллоҳу анҳодан ривоят қилинади:

«Бир киши «Ассаламу алайка, йаа Расулаллоҳ», деди.

«Ва алайкассалому ва роҳматуллоҳи», дедилар».

1035. Абу Зарр Ғифорий розияллоҳу анҳудан ривоят қилинади:

«Набий соллаллоҳу алайҳи васалламнинг ҳузурларига намоз ўқиб бўлганларидан кейин бордим. Бас, У зотга биринчи бўлиб исломий салом берган киши мен бўлдим.

Бас, У зот:

«Ва алайка ва роҳматуллоҳи! «Сен кимдансан?» дедилар.

«Ғифордан» дедим».

1036. Абу Салама розияллоҳу анҳудан ривоят қилинади:

«Оиша розияллоҳу анҳо қуйидагиларни айтди:

«Расулуллоҳ соллаллоҳу алайҳи васаллам менга:

«Эй Ойиш, мана бу Жаброил, сенга салом айтяпти» дедилар.

«Ва алайҳиссалому ва роҳматуллоҳи ва баракотуҳу» дедим. Сўнг «Мен кўрмаган нарсаларни Сиз кўрасиз» дедим». Яъни, Расулуллоҳ соллаллоҳу алайҳи васалламни ирода қилмоқда».

1037. Муовия ибн Қурра розияллоҳу анҳудан ривоят қилинади:

«Отам менга: «Эй ўғлим! Олдингдан бир киши ўтиб, сенга «Ассаламу алайкум» деса, «Ва алайка» демагин, салом берган кишининг бир ўзини қасд қилмагин. «Ассалому алайкум» дегин», деди».