912. Оиша розияллоҳу анҳодан ривоят қилинади:

«Туғилган болаларни унинг ҳузурига келтириларди. Бас, уларга барака тилаб дуо қилар эди. Бир гўдакни ҳузурига келтирилди. Унинг ёстиғини қўймоқчи бўлди. Қараса, боши остида пичоқ турибди. Бас, пичоқ ҳақида сўради. Жиндан (сақлаш учун) қўямиз, дейишди. У пичоқни олиб, отиб юборди. Уларни бундай қилишдан қайтарди ва:

«Расулуллоҳ соллаллоҳу алайҳи васаллам шумланишни ёқтирмас ва ёмон кўрар эдилар», деди.

Оиша бундан қайтарар эди».