911. Абдуллоҳ ибн Масъуд розияллоҳу анҳудан р-и:
«Набий соллаллоҳу алайҳи васаллам:
«Ҳаж мавсуми кунларида менга турли умматлар намойиш қилинди. Умматимнинг кўплиги менга жуда ҳам ёқди. Улар пасттекисликларни-ю, тоғларни тўлдириб турган эканлар.
«Эй Муҳаммад, рози бўлдингми? дейишди.
«Ҳа! Роббим!» дедим.
«Мана шулар билан бирга яна етмиш минги жаннатга ҳисобсиз, тўғридан-тўғри кирадилар. Улар дам солдирмайдилар, куйдириш билан даволанмайдилар ва фол очиб, шумланмайдилар. Улар Роббларига таваккул қиладилар», деди».
Шунда Укоша:
«Ё Аллоҳнинг Расули! Аллоҳга дуо қилинг, мени ҳам ўшалардан қилсин», деди.
«Аллоҳим! Буни ўшалардан қилгин!» дедилар.
Бас, бошқа бир одам:
«Ё Аллоҳнинг Расули! Аллоҳга дуо қилинг, мени ҳам ўшалардан қилсин», деди.
«Укоша бу нарсада сендан ўзиб кетди», дедилар».
|