872. Ибн Аббос розияллоҳу анҳудан ривоят қилинади:
«Бир киши ёки аъробий Набий соллаллоҳу алайҳи васалламнинг ҳузурларига келиб, очиқ-ойдин гапирди.
Бас, Набий соллаллоҳу алайҳи васаллам:
«Албатта, баъзи баёнда сеҳр бор ва баъзи шеърда ҳикмат бор», дедилар».
873. Умар ибн Салом розияллоҳу анҳудан ривоят қилинади:
«Абдулмалик ибн Марвон боласини Шаъбийга одоб бериши учун топширди ва:
«Уларга шеърни таълим бер, улуғвор ва шижоатли бўлсинлар. Таомларига гўшт бер, қалблари шиддатли бўлсин. Сочларини қириб тур, бўйинлари бақувват бўлсин. Уларни олиймақом кишилар мажлисига қўш, улардан калом ўргансинлар», деди».
|