870. Ибн Умар розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Сизлардан бирингизнинг қорнига йиринг тўлгани шеър тўлганидан афзалроқдир», дедилар».
871. Ибн Аббос розияллоҳу анҳудан ривоят қилинади:
«Ва шоирларга гумроҳлар эргашур.
Кўрмадингми, уларнинг ҳар водийда дайдишини?.
Ва ўзлари қилмайдиган ишларни айтишини?» .
Бас, насх қилди ва ундан истисно қилиб деди:
«Магар иймон келтириб... ағдарилишларини билурлар»гачани».
«Ва шоирларга гумроҳлар эргашур.
Уларнинг ҳар водийда дайдишини.
Ва ўзлари қилмайдиган ишларни айтишини кўрмадингми?» ( 224 - 225 – 226 оятлар).
«Магар иймон келтириб, солиҳ амаллар қилганлар, Аллоҳни кўп зикр этганлар ва мазлум бўлганларидан кейин нусрат қозонганлар (ундай эмаслар). Зулм қилганлар эса, тезда қайси ағдарилиш жойига ағдарилишларини билурлар» (227 – оят).
|