|
719. Убай розияллоҳу анҳудан ривоят қилинади:
«Шамолни сўкманглар. Қачон ундан ёқимсиз нарса кўрсангиз:
«Аллоҳим! Биз Сендан бу шамолнинг яхшилигини, ундаги нарсаларнинг яхшилигини ва Ўзинг у билан юборган нарсаларнинг яхшилигини сўраймиз. Биз Сендан бу шамолнинг ёмонлигидан, ундаги нарсаларнинг ёмонлигидан, Ўзинг у блан юборган нарсаларнинг ёмонлигидан паноҳ сўраймиз», денглар».
720. Собит Зурқийдан ривоят қилинади:
«Абу Ҳурайрадан эшитдим:
«Расулуллоҳ соллаллоҳу алайҳи васаллам:
«Шамол Аллоҳнинг руҳидандир. У ё раҳмат, ё азоб келтиради. Шамолни сўкманглар. Аллоҳдан унинг яхшилигини тиланглар ва ёмонлигидан паноҳ сўранглар», дедилар».
|
