545. Муоз ибн Жабал розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Агар сен биродарингни яхши кўрсанг, у билан низолашма, унга зарар етказма ва у ҳақда сўраб-суриштирма. Чунки сўраган одамнинг унинг душмани бўлса ва сенга унда йўқ нарса хабарини берса, ораларинг бузилиб қолади», дедилар».
546. Абдуллоҳ ибн Амр розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Бир киши Аллоҳнинг йўлидаги биродарини Аллоҳ учун яхши кўрса ва унга «Мен сени Аллоҳ учун яхши кўраман» деса, икковлари биргаликда жаннатга кирадилар. Аллоҳ учун яхши кўрганнинг муҳаббати учун даражаси, муҳаббат учун яхши кўргандан афзалдир», дедилар».
|