|
524. Анас ибн Молик розияллоҳу анҳудан ривоят қилинади:
«Набий соллаллоҳу алайҳи васалламга бир яҳудий бола хизмат қилиб юрар эди. У бемор бўлиб қолди. Бас, Набий соллаллоҳу алайҳи васаллам уни кўргани келдилар. Унинг бош томонида ўтирдилар ва:
«Мусулмон бўл» дедилар.
Шунда бола отасига қаради. Отаси ҳам унинг бош томонидан турган эди. Ота унга:
«Абулқосим соллаллоҳу алайҳи васалламга итоат қил!» деди.
Бас, у мусулмон бўлди. Набий соллаллоҳу алайҳи васаллам «Буни дўзахдан қутқарган Аллоҳ Таолога ҳамдлар бўлсин!» дея чиқдилар».
|
