511. Жобир ибн Абдуллоҳ розияллоҳу анҳудан ривоят қилинади:

«Бемор бўлганимда Расулуллоҳ соллаллоҳу алайҳи васаллам Абу Бакр билан бирга пиёда мени кўргани келишди. Улар мени хушимдан кетган ҳолда топишди. Набий соллаллоҳу алайҳи васаллам таҳорат қилиб сувидан менга сепдилар. Бас, хушимга келдим. Қарасам, Набий соллаллоҳу алайҳи васаллам турибдилар. Шунда:

«Эй Аллоҳнинг Расули! Молимни нима қилай? Молида қандай ҳукм қилай?» дедим.

У Зот менга жавоб бермадилар. Сўнг мерос оятлари нозил бўлди».