|
238. Абу Ҳурайра розияллоҳу анҳудан ривоят қилинади:
«Мўмин киши биродарининг кўзгусидир. Унда бир айбни кўрса, тўғрилайди».
239. Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Мўмин ўз биродарининг кўзгусидир. Мўмин мўминнинг биродаридир. Унинг йўқотганини топиб боради, айбини эса беркитиб боради», дедилар».
240. Муставрод розияллоҳу анҳудан ривоят қилинади:
«Набий соллаллоҳу алайҳи васаллам:
«Ким бир мусулмон юзасидан таом еган бўлса, Аллоҳ унга жаҳаннамдан ўша таом мислида таом егизади.
Ким бир мусулмон юзасидан либос кийса, Аллоҳ азза ва жалла унга жаҳаннамнинг либосидан кийгизади.
Ким бир мусулмонга нисбатан риё ва шуҳратпарастлик мақомида турса, Аллоҳ қиёмат куни унга нисбатан риё ва шуҳратпарастлик мақомида туради», дедилар».
|
