210. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Бирортангиз «қулим» ёки «чўрим» демасин. Мамлуклар «Роббим» ва «Роббиям» демасин. Ғуломим ёки жориям, саййидим, саййидам, дейилсин. Ҳаммангиз мамлуксизлар. Робб Аллоҳ азза ва жалладир», дедилар».

211. Абу Назрадан, у киши Матрофдан ривоят қилади:

«Отам айтдики:

«Бани Омир вакиллари таркибида Набий соллаллоҳу алайҳи васалламнинг ҳузурларига бордим. Бас, улар «Сиз бизнинг саййидимизсиз», дейишди. Шунда У зот:

«Саййид – Аллоҳдир», дедилар.

«Сиз энг афзалимизсиз ва энг улуғимизсиз», дейишди.

«Мана шу сўзингизни айтинг. Шайтон сизларни ўзига малай қилиб олмасин», дедилар».