1250. Абу Ҳурайра розияллоҳу анҳудан ривоят қилинади:

«Иброҳим алайҳиссалам бир юз йигирма ёшга кирганларида ўзларини хатна қилганлар. Шундан кейин яна саксон йил яшаганлар».

Саъийд: Иброҳим биринчи хатна қилган, биринси зиёфат берган, биринчи мўйлабни кесган, биринчи тирноқ олган, биринчи соч-соқоли оқарган зотдир. Бас, у:

«Ё Роббим! Бу нима?!» деди.

«Виқор», деди.

«Ё Роббим! Виқоримни зиёда қил!» деди».

1251. Ҳасандан ривоят қилинади:

«У Молик ибн Мунзирни назарда тутиб:

«Мана бундан ажабланмайсизларми? У Кискир аҳлидан  мусулмон бўлганларни текширди. Уларни хатна қилишга амр қилди. Ахир ҳозир қиш-ку. Менга улардан баъзилари ўлгани ҳақида хабар етди. Расулуллоҳ соллаллоҳу алайҳи васаллам билан бирга бўлган пайтимизда румликлар, ҳабашлар мусулмон бўлган. Уларни ҳеч тафтиш қилинмаган», деди».

1252. Ибн Шиҳобдан ривоят қилинади:

«Қачон бир кишиИсломга кирса, унга, катта бўлса ҳам, хатна амр қилинар эди».