1249/1. Абу Қатодадан р.а. ривоят қилинади. Расулуллоҳдан с.а.в. арафа куни, яъни зулҳижжа ойининг тўққизинчи кунида тутилган рўза ҳақида сўрашди. У зот: «Ўтиб кетган ва келаётган йилдаги гуноҳларга каффоратдир», дедилар. Имом Муслим ривоятлари.
Фойда: Ҳаждаги кишиларга бу кунда рўза тутиш маҳбуб эмас. Чунки талбия, зикр ва дуо қилишдан сусайтириб қўяди.
1250/2. Ибн Аббосдан р.а. ривоят қилинади. Расулуллоҳ с.а.в. муҳаррам ойининг ўнинчи куни рўза тутдилар. Ва бошқаларни шу куни рўза тутишга буюрдилар. Имом Муслим ва Бухорий ривоятлари.
1251/3. Абу Қатодадан р.а. ривоят қилинади. Расулуллоҳдан с.а.в. муҳаррам ойининг ўнинчи куни рўзаси ҳақида сўралганида, у зот: «Ўтган йилдаги гуноҳларга каффорат бўлади», дедилар. Имом Муслим ривоятлари.
1252/4. Ибн Аббосдан р.а. ривоят қилинади. Расулуллоҳ с.а.в. : «Келгуси йилгача ўлмай турсам, албатта муҳаррам ойининг тўққизинчи куни рўзасини тутаман», дедилар. Имом Муслим ривоятлари.
|