940/1. Абу Ҳурайрадан р.а. ривоят қилинади. Расулуллоҳ  с.а.в. : «Жанозани (дафн этишни) тезлатинглар. Агар маййит яхши бўлса, яхшиликка тезлатган бўласизлар. Агар маййит ёмон бўлса, бўйинларингиздан тезроқ қўйган бўласизлар», деб айтдилар. Имом Бухорий ва Муслим ривоятлари.

Имом Муслимнинг ривоятларида: «Тезроқ етказишингиз унга яхшироқдир», дейилган.

941/2. Абу Саид ал-Худрийдан р.а. ривоят қилинади. Расулуллоҳ  с.а.в. : «Агар тобутдаги ўликни одамлар кўтариб елкаларига қўйишса, ўша тобутдаги киши солиҳ бўлса, мени тезроқ олиб боринглар, дейди. Бордию ёмон бўлса, ўз аҳлига: «Вой бўлсин, бу тобут билан қаерга олиб кетмоқдасизлар?» дейди. Бу айтган сўзни инсондан бошқа ҳамма эшитади. Агар инсон ҳам эшитганида эди, ҳушидан кетиб йиқилар эди», дедилар. Имом Бухорий ривоятлари.