Камтарлик инсониятнинг энг улуғ фазилатларидандир. Расулуллоҳ (с.а.в.) эса инсониятнинг энг камтар, энг камсуқум вакили эдилар:
كان يركب الحمار، ويخصف النعل، ويرقع القميص، ويلبس الصوف، ويقول : من رغب عن سنتي فليس مني
Расулуллоҳ соллаллоҳу алайҳи ва саллам эшак минар, калишларини тикар, кўйлакларини ямар, жундан бўлган кийим кияр эдилар. У зоти шариф: “Кимки суннатимдан жирканса, нафратланса, у мендан эмас!” дердилар. (1)
Шу маънода Расулуллоҳ (с.а.в.) бундай деб марҳамат қилганлар:
من أخذ بسنتي فهو مني، ومن رغب عن سنتي فليس مني
“Кимки суннатимни олса, демак у мендандир. Кимки суннатимдан нафратланса, демак у мендан эмас!”  (2)

***

1. Суютий “Жомеъ ас-сағир” 1/7032; “Фатҳ ал-кабир” 2/9446.
2. Суютий “Жомеъ ас-сағир” 4/8357; “Фатҳ ал-кабир” 3/11287.