3 - Усмон розияллоҳу анҳунинг озод қилган қуллари Ҳумрон розияллоҳу анҳудан ривоят қилинади:
У киши қуйидагиларни айтганлар:
«Бир куни Усмон ибн Аффон тоҳаратга сув чақирди ва тоҳарат қилди: икки кафтини уч марта ювди. Бурнига сув олиб тозалади. Ке­йин юзини уч марта ювди. Сўнгра ўнг қўлини чиғаноғи билан уч марта ювди. Кейин чап қўлини ҳам шунга ўхшатиб ювди. Сўнгра бошига масҳ тортди. Кейин ўнг оёғини тўпиқлари билан уч марта ювди. Сўнгра чап оёғини ҳам шунга ўхшатиб ювди. Кейин:
«Росулуллоҳ соллаллоҳу алайҳи васалламнинг менинг мана шу тоҳаратимга ўхшатиб тоҳарат қилганларини кўрдим», деди. Сўнгра:
«Ким менинг мана шу тоҳаратимга ўхшатиб тоҳарат қилса ва туриб бориб, икки ракат намоз ўқисаю, унда бирор нарсани кўнглидан ўтказмаса, ўтган гуноҳлари мағфират қилинади», дедилар», деди».
Ибн Шиҳоб деди:
«Уламоларимиз: «Бу ­­­– кишининг намоз учун қиладиган энг мукаммал тоҳаратидир», дер эдилар».