84. Ҳумрон ибн Абондан ривоят қилинади:
«Усмон ибн Аффон розияллоҳу анҳуни таҳорат қилганини кўрдим. Бас, икки қўлини уч марта (сув) тугиб ювди. Сўнгра оғзини чайқади ва бурнига сув олиб тозалади. Ке­йин юзини уч марта ювди. Сўнгра ўнг қўлини чиғаноғи билан уч марта ювди. Кейин чап қўлини ҳам шунга ўхшатиб ювди. Сўнгра бошига масҳ тортди. Кейин ўнг  оёғини тўпиқлари билан уч марта ювди. Сўнгра чап  оёғини ҳам шунга ўхшатиб ювди. Кейин:
«Расулуллоҳ соллаллоҳу алайҳи васалламни менинг шу таҳоратимга ўхшатиб таҳорат қилганларини кўрдим», деди ва: «Ким менинг шу таҳоратимга ўхшатиб таҳорат қилса ва туриб бориб икки ракат намоз ўқисаю, унда бирор нарсани кўнглидан ўтказмаса, ўтган гуноҳлари мағфират қилинади», деб қўшиб қўйди», - деди.