76. Анас розияллоҳу анҳудан ривоят қилинади:
«Расулуллоҳ соллаллоҳу алайҳи васалламни Аср намози вақти бўлганда кўрдим. Одамлар таҳорат сув изладилар. Уни топа олмадилар. Расулуллоҳ соллаллоҳу алайҳи васалламга таҳорат суви келтирилди. Бас, У зот ўша идишга қўлларини солдилар ва одамларга ундан таҳорат қилишга амр қилдилар. У зотнинг бармоқларининг остидан сув чиқаётганини кўрдим. Бас, одамлар таҳорат қилдилар. Битталари ҳам қолмай таҳорат қилдилар».

77. Абдуллоҳдан ривоят қилинади:
«Набий солаллоҳу алайҳи васаллам билан бирга эдик. Бас сув топа олмадилар ва тавр келтирилди. Бас у зот қўлларини солдилар. Бармоқлари орасидан сув отилиб чиққанини кўрдим. У зот: «Аллоҳ азза ва жалладан бўлган туҳур ва баракага келинглар», - дер эдилар». Аъмаш айтади: «Менга Солим ибн Абул Жаъд: «Жобирга: Ўшанда қанча эдиглар?» - дедим. У: «Бир минг беш юз», - деди», - деди».