16. Абдурраҳмон ибн Язиддан ривоят қилинади: «Салмон (Форсий) розияллоҳу анҳуга «Сизга пайғамбарингиз барча нарсани, ҳаттоки таҳоратта қандай ҳожат чиқаришни ҳам ўргатганми?» дейишди. У киши  «Ҳа (ўргатганлар). Қиблага қараб қазои ҳожат ёки бавл қилишдан, ўнг қўл билан истинжо қилишдан, уч дона тошдан ками билан истинжо қилишдан ва тезак ёки суяк билан истинжо қилишдан бизни қайтарганлар», дедилар.
Абу Ийсо: «Бу бобда Оиша, Ҳузайма ибн Собит, Жобир ва ас-Соиб розияллоҳу анҳулардан ривоятлар бордир. Бу бобдаги Салмон розияллоҳу анҳунинг ҳадислари ҳасан саҳиҳдир», деганлар.
Бу ҳадиснинг мазмуни шундан иборатки, саҳобалар ва улардан кейинги  кўпчилик аҳли илмлар тош билан истинжо қилишнинг ўзи кифоя эканлиги, яъни тош билан нажосат ва бавлнинг асорати кетказилса, сув билан истинжо қилмаса ҳам бўлишини айтишган. Бу гапни Саврий, Ибн Муборак, Шофеъий, Аҳмад ва Исҳоқлар ҳам айтишган.