2. Абу Ҳурайра (р.а.)дан ривоят қилинади: Росулуллоҳ (с.а.в.): "Мусулмон банда ёки мўмин банда таҳорат олиб, юзини ювса, икки кўзи билан қилган барча хатолари (гуноҳлари) сув билан чиқиб кетади ёки сувнинг охирги қатраси (томчиси) билан чиқиб кетади. Вақтики, икки қўлини ювса, ўша икки қўли билан қилган барча хатолари (гуноҳлари) сув билан чиқиб кетади ёки охирги қатра (томчи) сув билан чиқиб кетади. Шундай қилиб, (банда) гуноҳлардан пок  ҳолда чиқади", дедилар.

Абу Ийсо «Бу саҳиҳ ҳасан ҳадисдир», деб айтганлар. Яна бу бобда (шу ҳусусда) Усмон ибн Аффондан, Савбон, Ас-Сунобиҳий, Амр ибн Абаса, Салмон ва Абдуллоҳ ибн Амр (р.а.)дан ривоятлар бор.
Ас-Сунобиҳ ибн Аъсар ал-Аҳмасий деган бошқа бир саҳобий бўлиб, у кишини ҳам Ас-Сунобиҳий деб аташади. У зот қуйидаги ҳадисни ривоят қилганлар: «Росулуллоҳ (с.а.в) "Мен сизларнинг кўплигингиз билан умматларга фаҳрланаман, шу боис мендан кейин бир-бирингиз билан уришманг (жанг қилманг)", деганларини эшитганман».
Ибн Можа ва Аҳмад ривоят қилганлар.