280- Абдуллоҳ ибн Умардан ривоят қилинади: Набий соллаллоҳу алайҳи васалламнинг аёллари Ҳафса розияллоҳу анҳа унга шундай деб хабар бердилар: Албатта Расулуллоҳ соллаллоҳу алайҳи васаллам муаззин бомдод намозининг азонидан тухтаганда, намозга (фарзга) иқомат айтилишидан олдин енгил икки ракат намоз ўқир эдилар.
281- Набий соллаллоҳу алайҳи васалламнинг аёллари Оиша розияллоҳу анҳанинг шундай деганлари ривоят қилинади: Расулуллоҳ соллаллоҳу алайҳи васаллам бомдоднинг икки ракатини (суннати) шунчалар енгил ўқир эдиларки ҳатто Уммул қуръонни ўқидиларми ёки йўқми деб ўйлар эдим.
282- Абу Салама ибн Абдурраҳмоннинг шундай деганлари ривоят қилинади: бир қавм иқоматни эштиб туриб намоз ўқидилар, бас расулуллоҳ соллаллоҳу алайҳи васаллам уларнинг олдига чиқиб шундай дедилар: иккита намозни бирга (ўқийсизларми), иккита намозни бирга (ўқийсизларми), бу (иш) бомдоддан олдинги икки ракатда эди.
283- Моликка шундай хабар етиб келди: Абдуллоҳ ибн Умар бомдоднинг икки ракатини (суннатини) ўқий олмаган эдилар, қуёш чиққандан кейин қазосини ўқидилар.
284- Қосим ибн Муҳаммаддан ривоят қилинади: у Ибн Умар қилган ишни қилди, (олдинги ҳадисдаги).
|